Kjøkken, bad og garderobe for livet
Det skjer mykje i Sentrum Sør. Eit område i utvikling – med mykje potensiale. Området er pussa opp, og skin no på sørsida av Jølstra der både nye og godt etablerte bedrifter held til. I denne artikkelserien tek vi dykk med inn i nokre av dei, og gjev eit innblikk i det som rører seg på sørsida av Førde sentrum.
Ein byttar ikkje ut eit JKE kjøkken fordi det er slitt, men fordi ein blir lei stilen etter så mange år
Midt i Sentrum Sør finn du JKE Design. Å tre inn i butikken er litt som å komme heim. Stemninga er lun og varm, og du blir alltid møtt av ein smilande og imøtekommande Mindor Sellevold. JKE er kjent for sitt stilreine, nordiske design og sin høge snikkarkvalitet, og butikken i Førde sentrum er ikkje noko unntak. - Dei fleste byttar ut JKE kjøkkenet sitt fordi dei er lei stilen, ikkje fordi kjøkkenet er slite eller øydelagd, fortel mannen bak roret, Mindor. Det er enkelt å ta vare på eit kjøkken frå JKE og med normal bruk varar det i minst 30 år. – Hos oss får du eit kjøkken for livet. Det einaste negative er at du ikkje har noko god unnskyldning for å skifte det ut når du har fått nok av fargen, fortel han med glimt i auget. Hos JKE er dei altså opptatt av kvalitet. Mindor har eit uunnverleg auge for detaljar, og utføringa blir alltid gjort skikkeleg. Enten det er kjøkken, bad eller garderobe som står på bestillinga hos kunden.
“Eg har eit kvalitetsprodukt og dyktige handverkarar på laget. Det er viktig: folk eg stolar på som får jobben gjort slik eg ønsker og kunden forventar. ”
Du er garantert god oppfølging hos Mindor. Foto: Emil Rasmussen, VOOKAL
Kva trendar ser vi i 2025?
Framfor oss ligg eit spennande år. For Mindor har 2025 starta bra, med høg aktivitet hos kundane. Han er tett på dei siste trendane, og veit kva som er populært i marknaden. – Naturprodukt seglar høgt for tida, og er ein trend som har kome tilbake dei seinare åra. Mange vel eikekjøkken, skuffer i heiltre og benkeplate i stein. Det er rett i JKE si gate, så det passar fint for oss, smilar han. Men hos JKE kan du få det kjøkkenet du vil, og dei har over 2 000 forskjellige fargeval. Skulle du vere redd for å gå i ei trendfelle, er det altså uante mogelegheiter for å unngå det. Mindor fortel at du kan til og med vere den første til å velje eit knall rosa kjøkken, om du vil.
Med 2 000 forskjellige fargeval kan du få det kjøkkenet du drøymer om. Foto: Emil Rasmussen, VOOKAL
Navigere rundt fallgruvene
Det er ei stor investering med nytt kjøkken, garderobe eller bad, og Mindor ser mange ulike kundar med forskjellige utgangspunkt og mogelegheiter. – Det viktigaste ein bør tenke på når ein for eksempel vel seg eit nytt kjøkken, er kva for eit budsjett og planløysing ein har. Når ein veit det, kan eg bidra med anbefalingar til produkt, farge, stil, materialval og utsjånad. Samstundes er kundane mine veldig forskjellige. Nokre veit nøyaktig korleis dei vil ha det, medan andre er usikre og treng meir rettleiing. Men, etter over 40 år i bransjen har eg ein tanke eller to om kva som er lurt å gjere – og eg bidrar gledeleg som rådgivar og sparringspartnar. Det viktigaste er at kundane er nøgde, og får den løysinga som er rett for dei sjølv, seier han. Førstegangskjøparar er eit eksempel Mindor drar opp. Dei kan typisk tenke meir på det estetiske, og mindre på kva som er praktisk. Og slikt må jo henge saman. Då er det fint med ein mann som kjenner typiske fallgruver, og kan sørge for at ein fint navigerer rundt desse. .
“Vi er svært nøgd med oppfølging frå start til slutt hos Mindor og JKE. Vi har fått god hjelp med både grovplanlegging og detaljplanlegging, og endringar undervegs. Ein får rask tilbakemelding heile vegen og blir alltid møtt med fantastisk kundeservice. Og det breie utvalet av kjøkken gjorde at vi til slutt fekk laga vårt draumekjøkken”
Heime hos Marte og Tor Emil har dei fått på plass sitt draumekjøkken frå JKE. Foto: Emil Rasmussen, VOOKAL
Ta formiddagen i Sentrum Sør
Mindor trivast godt på plasseringa si midt i Sentrum Sør, og skryt av kor flott det er blitt etter oppussinga. Med to timars gratis parkering er det ingenting i vegen for å ta turen innom lokalet til JKE og diskutere nytt kjøkken over ein nytrekt kopp med kaffi. – Det er lettare for kundane å kome til, og det er viktig for meg. Det skal vere lågterskel å droppe innom butikken. Sentrum Sør er blitt ein så fin plass, og må med på hugselista over handlestader i Førde. Her er lett å opphalde seg ein heil formiddag og eg håpar at folket kan bruke det endå meir, avsluttar han.
Velkommen inn til JKE Design Førde! Foto: Emil Rasmussen, VOOKAL
